Emin Ağalarovun Moskvadakı restoranları bağlandı

Azərbaycanlı iş adamı və müğənni Emin Ağalarovun Rusiyanın paytaxtı Moskvada yerləşən "Aviapark" Ticarət Mərkəzindəki "Forte Bello", "Zafferano" və "Edoko" restoranları "AgalarovRest" şirkətinin diqqətini müstəqil layihələrə yönəltmək planları ilə əlaqədar bağlanıb.

BAKU.WS Oxu.az-a istinadən xəbər verir ki, bu barədə "Agalarov Development" şirkətinin mətbuat xidmətindən bildirib.

Bundan əvvəl "Aviapark" Ticarət Mərkəzində üç restoranın bağlanması barədə məlumat yayılmışdı.

"AgalarovRest"in hazırkı strategiyasının bir hissəsi olaraq, şirkət diqqətini ticarət mərkəzlərində yerləşən obyektlərdən müstəqil layihələrə çevirir", - "Agalarov Development"dən bildirilib.

"NF Group"un ticarət əmlakı departamentinin regional direktoru Yevgeniya Xakberdiyevanın sözlərinə görə, Emin Ağalarovun təkcə "Aviapark"da deyil, digər yerlərdə də restoranları bağlanıb.