Dövlət qurumunda yüksək vəzifəyə təyinat - FOTO

“Azəriqaz” İstehsalat Birliyində (İB) yeni vəzifə təyinatı olub.

BAKU.WS “oxu.az”a istinadən xəbər verir ki, Birliyinin Tərtər Regional Qaz İstismarı İdarəsinə yeni rəis təyin olunub.

Birliyin baş direktorunun əmri ilə bu vəzifəni Azər Hacıbək oğlu Abasov icra edəcək. O, bu təyinata qədər “Azəriqaz” İB-nin Metrologiya Departamentinin rəis müavini vəzifəsində çalışıb.

Qeyd edək ki, Tərtər Regional Qaz İstismarı İdarəsinin öncəki rəisi Rəşad Cavadov isə bu günlərdə birliyin baş direktorunun satış üzrə müavini vəzifəsinə təyin olunub.