Cıdır Atçılıq Mərkəzi təmirə bağlanır
Bakıda yerləşən Cıdır Atçılıq Mərkəzi təmirə bağlanır.
BAKU.WS-in əldə etdiyi məlumata görə, mərkəzin ərazisində yenidənqurma və abadlıq işlərinə start verilib.
Aparılacaq işlər çərçivəsində bəzi köhnə anbarların sökülməsi nəzərdə tutulur. Artıq ərazidə bu istiqamətdə hazırlıq və qismən söküntü işlərinin aparıldığını əks etdirən görüntülər də yayılıb.
Bildirilib ki, təmir müddətində mərkəzin fəaliyyəti tam şəkildə dayandırılacaq. Bu səbəbdən atçılıqla məşğul olan şəxslər və ziyarətçilər müəyyən müddət ərzində mərkəzdən istifadə edə bilməyəcəklər.
İlkin məlumata əsasən, təmir və yenidənqurma işlərinin təxminən bir ay davam edəcəyi gözlənilir. İşlər başa çatdıqdan sonra mərkəzin daha müasir və rahat şəraitdə fəaliyyətini bərpa edəcəyi qeyd olunur.
Qeyd edək ki, sözügedən mərkəz atçılıq idmanına maraq göstərənlər üçün paytaxtda fəaliyyət göstərən əsas məkanlardan biri hesab olunur.
Oxşar xəbərlər
"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar
Pekin şəhərində aprelin 27-də"Global Media Group"a daxil olan "Baku TV" telekanalı və "Report" İnformasiya Agentliyi ilə Çinin nüfuzlu CCTV+ Videoxəbər Agentliy...