Bu şəhərdə yeni yaşayış məhəlləsi tikiləcək - 36 milyonluq LAYİHƏ

Qubadlı şəhərində yeni yaşayış məhəlləsi inşa ediləcək.

BAKU.WS-in Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətindən əldə etdiyi məlumata görə, tikinti işlərinin ehtimal olunan dəyəri 36.225.492,39 manat təşkil edir.

Qeyd edək ki, bu layihə Qubadlı şəhərində məskunlaşmanın bərpası və işğaldan azad olunmuş ərazilərdə müasir yaşayış infrastrukturunun qurulması istiqamətində icra olunan növbəti iri həcmli layihələrdən biridir.