Bu rayonda yol kənarındakı evlər TƏMİR OLUNACAQ

Hacıqabul rayonunda magistral yol boyunca yerləşən yaşayış məntəqələrində – Muğan qəsəbəsi və Qarasu kəndində abadlıq və təmir işləri aparılacaq.

BAKU.WS-in məlumatına görə, bu məqsədlə Hacıqabul Rayon İcra Hakimiyyəti tərəfindən rəsmi tender elan edilib.

Layihənin ümumi dəyəri 300 min manatdan çox qiymətləndirilir.

Məqsəd magistral yol kənarındakı yaşayış məntəqələrinin görünüşünü yaxşılaşdırmaq, həmçinin infrastrukturun vəziyyətini yeniləməkdir.