Azərbaycanca 
По-русски 
English 
Haqqımızda
Hökməli sakinləri 15 ildən çoxdur yolsuzluqdan əziyyət çəkir – Kanalizasiya sistemi də yoxdur
Yeniliklərdən dərhal xəbərdar olun
Abşeron rayonunun Hökməli kəndi yaxınlığında yerləşən, əhalinin sıx məskunlaşdığı ərazidə yol və kanalizasiya problemi sakinlərin narazılığına səbəb olub.
Bu barədə paytaxt sakini Leyla Abdullayeva BAKU.WS-in "qaynar xətti"nə müraciət edib.
Onun sözlərinə görə, ərazidə yollar uzun illərdir bərbad vəziyyətdədir. Sakinlər 15 ildən artıqdır ki, bu problemlə üzləşirlər. Ərazidə kanalizasiya sisteminin olmaması da vəziyyəti daha da çətinləşdirir.
Şikayətçinin sözlərinə görə, xüsusilə yağışlı havalarda yollarda hərəkət etmək demək olar ki, mümkünsüz olur. Yağış suları səbəbindən yollar keçilməz vəziyyətə düşür, sakinlərin gündəlik gediş-gəlişində ciddi çətinliklər yaranır.
Leyla Abdullayeva qeyd edib ki, ərazidə əhalinin sıx yaşamasına baxmayaraq, uzun illərdir yol və kanalizasiya infrastrukturu ilə bağlı problemlər həllini tapmır.
Sakinlər aidiyyəti qurumlardan ərazidə yolların təmir olunmasını, kanalizasiya sisteminin qurulmasını və uzun müddətdir davam edən problemlərin aradan qaldırılmasını xahiş edirlər.
Oxşar xəbərlər
Bakıda kanalizasiya xəttinə görə iki küçənin sakinləri arasında mübahisə düşdü
Tullantı sularının axıdılması üçün çəkilən kanalizasiya xətti iki küçənin sakinlərini üz-üzə qoyub. BAKU.WS Xezerxeber.az-a istinadən xəbər verir ki, paytaxtın...
