Bu dərmanlar koronavirus xəstələrində immuniteti zəiflədir - RƏSMİ - VİDEO

“COVID-19 diaqnozu təsdiq olunmuş pasiyenti həkim müalicə etməlidir”.

BAKU.WS xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.

O bildirib ki, bu məsələdə həkimin COVID-19 təcrübəsinin olması çox vacibdir:

“Xəstələrin böyük əksəriyyəti evlərdə müalicə olunur. Bu xəstələrin çoxunda yuxarı tənəffüs yollarının zədələnmə əlamətləri var. Əksəriyyətində ağciyər zədələnməsi yoxdur. Bu halda simptomatik dərmanlar istifadə edirlər. Ağır dərmanlara ehtiyac yoxdur. Fəsadlaşmamış pnevmoniya olduğu halda belə ağır dərmana ehtiyac yoxdur.

Antibiotiklərin istifadəsi xəstəliyə təsir etmir, əksinə, immuniteti zəiflədərək xəstəliyin kəskin dövrünə pis təsir edir. Bəzən elə olur ki, xəstəxanaya çatdırılan xəstədə o qədər antibiotikdən istifadə olunur ki, həkimlər üçün ona hansı antiboitikin verilməsi çətin bir suala çevrilir".