Bakının mərkəzinə verilən su narazılığa səbəb olub (VİDEO)

Redakisyamıza şəhər sakinlərinin birinin şikayət videosu daxil olub. Videonun müəllifi bildirir ki, mənzilinə verilən şollar su çirklidir. Su kranına quraşdırılan filtri açandan sonra onun üzərindəki palçığı görmək olar. “Şəhərin mərkəzinə su verilir bax belə torpaqla. Yaxşı ki, bu filtr var. Bu setka, bununla əl-üzümüzü yuyacaqdıq. Bu şəhərin mərkəzinə, deyilənə görə, şollar suyu verilir.” Videoyadakı şərhlərə baxanda, çirkli suyun səbəblərinə münasibət müxtəlif olub. Belə ki, verilən suyun keyfiyyətinin çox aşağı olduğunu deyənlər və məsələnin su ilə əlaqəli olmadığını deyənlər tapıldı. Kimi bunu isti su ilə, kimi istifadə olunan elektrik su qızdırıcıları ilə, kimi isə suyun gəldiyi borular ilə əlaqələndirir. Azərsu ASC-dən BAKU.WS-ə bildirdilər ki, bu ünvana baxış keçirib, problemi yerində müəyyənləşirmək mükündür. Yalnız bundan sonra problemin həll olunmasın yolunda müvafiq işlər görüləcək. İsmayıl Fətəliyev BAKU.WS