Bakıda polis reydi: 600-dən çox sürücü cərimələndi

Paytaxtın 12 rayonunun hər birində nəzarət-profilaktik tədbirlər davam etdirilir.

BAKU.WS "Oxu.Az"a istinadən xəbər verir ki, bunu Bakı Şəhər Baş Polis İdarəsinin Dövlət Yol Polisi İdarəsinin baş inspektoru Araz Əsgərli deyib.

O bildirib ki, keçirilən reyd nəticəsində 600-dən çox şəxs qanunsuz parklanma ilə bağlı məsuliyyətə cəlb olunub:

“Qanunsuz parklanma paytaxtın mərkəzi rayonları ilə yanaşı digər ərazilərində də müşahidə edilir. Bu gün Xəzər, Suraxanı, Sabunçu rayonunda nəzarət-profilaktik tədbirlər həyata keçirilib və sürücülər inzibati qaydada məsuliyyətə cəlb ediliblər”.