Bakıda ən çox yeni ev bu rayonda istifadəyə verilib

Bu ilin yanvar-iyun aylarında Bakıda istifadəyə verilən yaşayış sahəsinin ümumi həcmi 596 min kvadratmetr olub.

BAKU.WS Bakı şəhər Statistika İdarəsinə istinadən xəbər verir ki, bu göstərici ötən ilin eyni dövrü ilə müqayisədə 91,5% artıb.

Rayonlar üzrə ən çox yeni ev Xəzər rayonunda istifadəyə verilib – 143,4 min kv.metr (57,9% artım). Ardınca Sabunçu (127,4 min kv.m), Xətai (86,8 min kv.m) və Suraxanı (72,3 min kv.m) rayonları gəlir.

Digər rayonlarda isə göstəricilər belədir: Binəqədi – 68,8 min kv.m, Qaradağ – 18,1 min kv.m, Nərimanov – 24 min kv.m, Yasamal – 5,4 min kv.m, Nizami – 17,5 min kv.m, Nəsimi – 836 kv.m, Pirallahı – 3,1 min kv.m, Səbail – 28,2 min kv.m (42,9% azalıb).

İnşaat işlərinin 91%-dən çoxu qeyri-dövlət sektorunun payına düşüb.