Bakı metrosunun bağlanmasının səbəbi bilindi

Bu gün saat 12:10 ətrafında Bakı metrosunun "Ulduz"-"Nərimanov" sahəsində yerləşən aralıq kabeldə baş verən qısaqapanma səbəbindən təmas şəbəkəsinə elektrik enerjisinin ötürülməsi dayandırılıb.

BAKU.WS xəbər verir ki, bunu jurnalistlərə açıqlamasında "Bakı Metropoliteni" QSC-nin ictimaiyyətlə əlaqələr şöbəsinin müdiri Bəxtiyar Məmmədov bildirib.

Onun sözlərinə görə, sadə izahla, metro qatarlarının hərəkəti elektrik enerjisindən asılıdır və yüksək gərginlikli enerjinin verilişi dayandığı üçün "Ulduz-Nərimanov" istiqamətində qatarların hərəkəti mümkün olmayıb.