Azərbaycanda il ərzində neçə nəfər zəhərlənib? - SƏBƏBLƏR

Bu ilin yanvar-noyabr ayları ərzində Kliniki Tibbi Mərkəzin Toksikologiya şöbəsinə müxtəlif səbəblərdən zəhərlənmə diaqnozu ilə ümumilikdə 1 118 nəfər qəbul edilib.

BAKU.WS-in əldə etdiyi məlumata görə, xəstələrin böyük əksəriyyəti dərman preparatlarının normadan artıq qəbulu və sirkə turşusundan ehtiyatsız istifadə səbəbindən xəstəxanaya yerləşdirilib.

İl ərzində toksikologiya şöbəsinə müraciət edənlər arasında dəm qazı, spirtli içkilər, fosfor üzvi birləşmələr, allergik reaksiyalar, anafilaktik şok, botulizm, ilan sancmaları, yandırıcı və həlledici məhlullarla zəhərlənən şəxslər də olub.

Həkimlərin vaxtında müdaxiləsi nəticəsində zəhərlənənlərin böyük hissəsinin vəziyyəti stabilləşdirilərək evə buraxılıb.