Azərbaycanda gündəlik yoluxmaların 4-6 faizi müəllimlərin payına düşür

"Hazırda ölkədə gündəlik təxminən 2 400 yoluxma var".

BAKU.WS xəbər verir ki, bunu təhsil naziri Emin Əmrullayev "Facebook"da canlı yayım zamanı sualları cavablandırarkən bildirib.

“Yoluxma çox olduğu halda məktəblər açıq ola bilməz. Gündəlik yoluxmaların təxminən 4-6%-i müəllimlərdə olub. Təbii ki, yoluxmaların hamısı məktəbdə baş vermir. Bu yoluxmalar ailədaxili, nəqliyyatda və başqa yerlərdə baş verir. Gündəlik təxminən 100-ə yaxın müəllim və məktəb personalı koronavirusa yoluxur. Bunun da 80%-i Bakı, Sumqayıt və Abşeronun payına düşür”, - E.Əmrullayev vurğulayıb.