Azərbaycanda 65 yaşına çatmış həkimlərin işləməsinə icazə veriləcək? - Komitə sədri AÇIQLADI

"Regionlarda həkim çatışmazlığı var və biz bu məsələni dəfələrlə qaldırmışıq".

BAKU.WS Oxu.az-a istinadən xəbər verir ki, bunu Milli Məclisin Səhiyyə komitəsinin sədri Əhliman Əmiraslanov komitənin bu gün keçirilən iclasında deyib.

O bildirib ki, bu istiqamətdə atılan addımlar öz uğurlu nəticəsini verəcək. Ə.Əmiraslanov qeyd edib ki, həkimlər, əsasən, böyük şəhərlərdə çalışırlar və müəyyən regionda həkim çatışmazlığı problemi var:

"Bu istiqamətdə aparılan işlərdən biri də 65 yaşına çatmış həkimlərin işləməsinə icazə verilməsidir. Bu istiqamətdə Səhiyyə Nazirliyi ilə iş aparılır və ümid edirik ki, 65 yaşına çatmış həkimlərin işləməsinə icazə veriləcək".