Azərbaycanda 11 müəllim və 9 şagirddə koronavirus aşkarlanıb

Son bir ayda koronavirus pandemiyası səbəbindən Gəncə şəhərində tam 6 məktəbin əyani tədrisi dayandırılıb.

BAKU.WS-in bölgə müxbirinin verdiyi məlumata əsasən, ilk olaraq 26, daha sonra 12 nömrəli orta tədris müəssisələrinin ardından 31, 36, 30 və 13 nömrəli məktəblərdə də “COVID-19” virusu aşkar edilib.

Nəticə etibarı ilə sözügedən tədris müəssisələrində ümumilikdə 11 müəllim, texniki işçi və 9 şagirddə koronavirus pandemiyası aşkar olunub.

Novruz bayramı ilə bağlı yaranan fasilədən istifadə edilməklə Gəncə şəhərində fəaliyyət göstərən 40-dan artıq orta tədris müəssisəsində dezinfeksiya işlərinə başlanılacaq.