ATV-nin koronavirusa yoluxan əməkdaşları danışdı - VİDEO

“Azad Azərbaycan” kanalının koronavirusa yoluxan işçiləri danışıb.

BAKU.WS xəbər verir ki, Xəbərlər Departamentinin müxbiri Mahmud Rövşənoğlu koronavirusa yoluxduqdan sonra temperaturunun artdığını bildirib.

Onun sözlərinə görə, iki gündür, müalicəsini davam etdirir: "Nəfəs darlığı və qızdırma simptomları məndə yoxdur. Şükür, özümü yaxşı hiss edirəm".

Digər əməkdaş Heydər Məmmədov da karantindədir. O bildirib ki, baş ağrıları olduğu üçün həkim çağırıb və test verib.

Nəticələri pozitiv çıxan Heydər Məmmədov insanlara özlərini bu virusdan qorumağı tövsiyə edib.