Aprel ayının pensiya ödənişi yekunlaşıb

Respublika üzrə aprel ayının pensiya ödənişi yekunlaşıb.

Bu barədə BAKU.WS-ə Əmək və Əhalinin Sosial Müdafiəsi Nazirliyindən məlumat verilib.

Bildirilib ki, nazirliyin tabeliyindəki Dövlət Sosial Müdafiə Fondu respublika üzrə aprel ayının pensiya ödənişini tam yekunlaşdırıb.

Aprelin 8-də Bakı və Sumqayıt şəhərləri,Abşeron rayonu üzrə, bu gün isə ölkəmizin digər bölgələrində yaşayan şəxslərin pensiyalarının, habelə güzəştli şərtlərlə təyin edilmiş pensiyaların ödənişi başa çatıb.

2022-ci il üzrə verilməsi nəzərdə tutulan 200 manat maddi yardımın II rüb üzrə ödəniləcək hissəsi (50 manat) da aprel ayının pensiyasının üzərinə əlavə olunub.Vətəndaşlar pensiyalarını bank kartları vasitəsilə müvafiq bankların bankomatlarından əldə edə bilərlər.