ADY Gəncə-Mingəçevirə müasir qatarla səfərlərə başlayır

Bakıdan kənarda – regionlararası müasir qatarla səfərlərə başlayırıq.

BAKU.WS apa-ya istinadən xəbər verir ki, bunu ADY sədrinin müşaviri Arif Ağayev deyib.

O bildirib ki, uzun illərdən sonra Mingəçevirə dəmiryol nəqliyyatı bərpa olunub.

"Azərbaycanda dəmir yollarının yaranmasının 145 illiyi ərəfəsində müasir, komfortlu elektrik qatarları ilə Gəncə-Mingəçevir-Ağstafa marşrutu üzrə gündə 2 dəfə sərnişinlərə xidmət göstəriləcək. Bu marşrutdan Mingəçevirlə yanaşı, Goran, Gəncə, Dəllər, Qovlar, Tovuz və Ağstafa sakinləri də istifadə edə biləcəklər"- deyə o əlavə edib.