ABŞ-ın iki konqresmeni koronavirusa yoluxub

ABŞ Konqresinin iki üzvünün COVID-19 virusuna yoluxması məlum olub.

BAKU.WS xəbər verir ki, bu barədə CNN məlumat yayıb.

Bildirilir ki, Yuta ştatından olan demokrat Ben Makdams və Florida ştatından respublikaçı Mario Diaz-Balart koronavirusa yoluxub.

Federal hakimiyyətin və ştatlar hakimiyyətinin məlumatları əsasında hesablamalar aparan Cons Hopkins Universitetinin məlumatına görə, ABŞ-da koronavirusa yoluxma halı sayı 9400 nəfərə çatıb.

Ölkədə ən azı 150 insan COVİD-19 infeksiyasından ölüb.