600 yaşlı çinar ağacı - VİDEO

Ağdaşın Qəsl kəndində, yol kənarında çox qoca bir çinar var. Hündürlüyi 50, diametri 15 metr olan bu çinarın 1490-cı ildə əkildiyi tarix tərəfindən sübut olunub.

BAKU.WS BAKU.TV-yə istinadən xəbər verir ki, çinar ağacının yol kənarında olması turistlərin də böyük marağına səbəb olur.

"Hamının marağı var ki, bu çinarı qorusun. Azərbaycanda belə ağac 1-2 ədəddir. Keçmişdə turistlər daha çox gəlirdi. Əl-ələ tutub çinarın ətrafında dövrə vururdular. Gələn turistlər əsasən çinarın içində oturub çay içmək istəyirlər",-deyə sakinlər bildirib.

Kənd sakinləri həmçinin deyir ki, bu çinar el arasında görüş yeri kimi də tanınır. Hətta bu ağacın hər mövsümə uyğun havası olur. Yayda çox sərin, qışda mülayim. Bu da hələ son deyil... “Əhməd haradadır” filmində bir hissə elə həmin çinarın kölgəsi altında çəkilib.