055 213 76 73
Bu gün bəzi mətbuat orqanlarında 96 saylı Goranboy-Naftalan seçki dairəsinin deputatı Mahir Aslanovun Naftalanda müalicə-sağlamlıq mərkəzi tikdirmək istəydiyi barədə xəbərlər yayılıb.
Xəbərlərdə bildirilir ki, Naftalan Şəhər İcra Hakimiyyəti Mahir Aslanova müalicə-sağlamlıq mərkəzi (MSM) tikmək üçün artıq icazə verib və Mlli Məclisin deputatı malik olduğu Naftalan (Şirvan prospekti, 4C) ərazisində 0.83 hektar torpaq sahəsində iki korpusdan ibarət 7 mərtəbəli müalicə-sağlamlıq mərkəzi tikəcək.
Məsələ ilə bağlı modern.az-a saytının əməkdaşı Milli Məclisin deputatı Mahir Aslanovla əlaqə saxlayıb. Deputat hazırda Naftalanda müalicə-sağlamlıq mərkəzi tikdirmədiyini bildirib:
“Mənim 10 ildir ki, Naftalanda müalicə-sağlamlıq mərkəzim var. Ancaq bu mənim adıma deyil. Heç ora tikiləndə də mənim adıma olmayıb. Bir neçə gün bundan öncə bir nəfər məndən xahiş etdi ki, onu ora istirahətə göndərim. Mən də onu Naftalanda müalicə-sağlamlıq mərkəzinə göndərdim. Həmin adam da gedib dincəldikdən sonra gəlib bunu yazıb. Demək ki, həmin adamı ora göndərməkdə səhv etmişəm”.
BAKU.WS