28 illik həsrətin sonu: Onlar daha məcburi köçkün deyillər - REPORTAJ

Prezident İlham Əliyevin yazdığı bir tvit, cəmi bir cümlə 8 kənd, 8 min ailə, 88 milyon ürək deməkdir.

BAKU.WS xəbər verir ki, 28 illik həsrətə artıq son qoyulub və bir çox insan işğaldan azad edilən ərazilərin sevincini yaşamağa başlayıb.

"Bir az əvvəl metroya girişdə aldım xəbəri. İlk dəfə metrodakı polislə paylaşdım xəbəri. Ağlayırdım, o da çantama baxarkən niyə ağladığımı soruşdu. Cavab verdim ki, kəndimiz azad olunub. O da "sevin, ağlama" deyə bildirdi. Bu, əslində sevinc göz yaşları idi", - deyə sakinlərdən biri bildirib.