AZAL Bakıdan Təl-Əvivə uçuşları bərpa edir

"Azərbaycan Hava Yolları" QSC (AZAL) martın 19-dan Bakıdan İsrailin paytaxtı Təl-Əvivə və əks istiqamətdə olan uçuşları bərpa edəcək.

BAKU.WS bu barədə AZAL-a istinadən xəbər verir.

Məlumata görə, İlkin mərhələdə aviadaşıyıcı həftədə üç dəfə – çərşənbə axşamı, cümə axşamı və bazar günləri reyslər həyata keçirəcək. Apreldən isə uçuşlar həftədə 9 dəfə olacaq.

Aviabiletləri rəsmi www.azal.az saytından, aviaşirkətin yenilənmiş mobil tətbiqindən, eləcə də AZAL-ın kassalarından və akkreditə olunmuş agentliklərindən əldə etmək mümkündür.