22 yaşlı Nurlana bizdən kömək istəyir - Onun səsinə SƏS VERƏK

22 yaşlı gənc qız əməliyyat olunmazsa ömürlük əlil arabasına möhtac qala bilər.BAKU.WS xəbər verir ki, 22 yaşlı (1996) Nurlana Zərbəliyevanın anadangəlmə omba-çanaq çıxığı var. Yaş artdıqca çanaq deformasiyaya uğrayıb.Nurlana bu problemə görə bir dəfə bir ayağından əməliyyat olunub. İndi isə ikinci ayağından əməliyyat olunmalıdır. Bu əməliyyata 6000 manat tələb olunur.Nurlana saytımıza açıqlamasında bildirdi ki, gəzərkən şiddətli ağrılar çəkməsinə baxmayaraq marketlərin birində işləyir. Bütün günü ayaq üstə işləməyə məcbur qalan gənc qız ağrılar üzündən gecələri də yata bilmir. Nurlananın əməliyyatını həyata keçirəcək cərrah tələb olunan pulun 1/3 hissəsini - 2 min manatını öz üzərinə götürüb. Digər 1/3 hissəsini anası bankdan kredit götürməyi nəzərdə tutub. Yəni Nurlananın hazırda 2 min manata ehtiyacı var.Nurlana olduqca imkansız ailənin üzvüdür. Atası vəfat edib, anasının qazancı isə gündəlik tələbatlarını çətinliklə qarşılayır.Bu məbləği toplamaq üçün hesab nömrəsi açılıb: Kapitalkart - MS.NURLANA ZARBALIYEVA 4169 7332 1253 8073 Zülfiyyə Qurbanova