Vaxtından əvvəl ölüm riskini azaltmağın yolu - FOTO

İngiltərədə aparılan bir araşdırmaya görə, gündə ən az 2200 addım atmaq vaxtından əvvəl ölüm riskini azaldır.

BAKU.WS-in xəbərinə görə, bu barədə "British Journal of Sports Medicine" nəşri yazır.

Sidney Universitetinin alimləri tərəfindən aparılan araşdırmada 61 və daha yuxarı yaşda olan 70 mindən çox insandan əldə edilən məlumatlar araşdırılıb.

Araşdırmaya görə, gündə 2200-dən çox addım atılan hər bir əlavə addım vaxtından əvvəl ölüm riskini azaldır.

Günün qalan hissəsini oturaq şəkildə keçirsəniz belə, hər gün 10 min addıma qədər yürüş etmək ürək xəstəliyi riskini azaltmağa kömək edir.

Tədqiqat iştirakçıları məşq səviyyələrini müəyyən etmək üçün 7 gün ərzində ölçmə cihazı ilə təchiz edilib.

Mütəxəssislərin 7 illik təqibindən sonra iştirakçılardan 1633-ü həyatını itirib, 6190 nəfər isə infarkt və ya insult kimi ürək-damar xəstəliklərindən əziyyət çəkib.

Tədqiqatçılar belə nəticəyə gəliblər ki, gündə 9000-10500 addım atmaq vaxtından əvvəl ölüm riskini 39 faiz, infarkt və ya insult riskini isə beşdə bir qədər azaldır.

Gündə təxminən 9700 addım atan qrupda insult və infarkt riski ən az olan insanlar olub.

"Biz bilirik ki, gündəlik fiziki fəaliyyət sağlam həyat sürmək və ürək xəstəliyi və insult riskini azaltmağa kömək edir. Gündə 10.000 addım atma hədəfi vaxtından əvvəl ölüm və ölüm riskinin artması ilə əlaqələndirilir. Bu, ürək xəstəliyi riskinin azaldılmasında əhəmiyyətli olduğunu göstərir", - Britaniya Ürək Fondunun tibb bacısı Juli Vard açıqlamasında bildirib.

O, həmçinin ürək sağlamlığı və qan dövranı üçün həftədə 150 ​​dəqiqə orta səviyyədə məşq etməyin lazım olduğunu diqqətə çəkib.