Azərbaycan "Wind Europe" ilə külək enerjisi sahəsi üzrə Anlaşma Memorandumu imzalayacaq
![Azərbaycan Wind Europe ilə külək enerjisi sahəsi üzrə Anlaşma Memorandumu imzalayacaq](https://baku.ws/storage/photos/thumbs/large/1709276771_4ebd7d07-c539-3c3e-9ed8-3bc4a4348426_850.webp)
Azərbaycanın Energetika Nazirliyi yanında Bərpa Olunan Enerji Mənbələri Dövlət Agentliyi ilə Avropa Külək Enerjisi Assosiasiyası "Wind Europe" arasında külək enerjisi sahəsində əməkdaşlığa dair Anlaşma Memorandumu imzalanacaq.
BAKU.WS report-a istinadən xəbər verir ki, imzalanma mərasimi Bakıda keçirilən Cənub Qaz Dəhlizi (SGC) Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında baş tutacaq. İmzalanmada Azərbaycanda səfərdə olan Avropa İttifaqının (Aİ) enerji məsələləri üzrə komissarı Kadri Simson iştirak edəcək.
İclasda, həmçinin Energetika Nazirliyi ilə İspaniyanın “Elecnor” şirkəti arasında Azərbaycanda bərpa olunan enerji layihələri üzrə əməkdaşlığa dair Anlaşma Memorandumun da imzalanması nəzərdə tutulur.
Oxşar xəbərlər
Bu gün energetiklərin peşə bayramı günüdür
Bu gün Azərbaycanda Energetiklərin peşə bayramı günüdür. Artıq 19 ildir ki, energetiklər bu günü qeyd edirlər. BAKU.WS xəbər verir ki, 1981-ci il oktyabrın 20-...