Sərnişinlərin seçimi: Bakı hava limanından məşhur istiqamətlər
![Sərnişinlərin seçimi: Bakı hava limanından məşhur istiqamətlər](https://baku.ws/storage/photos/thumbs/large/1709027393_ef3780a9-f7b0-3e8c-bdc6-0db7323bb7cc_850.webp)
Heydər Əliyev Beynəlxalq Aeroportu səyahətçiləri cəlb edən 10 ən populyar beynəlxalq istiqamətin siyahısını təqdim edib.
BAKU.WS bu barədə hava limanına istinadən xəbər verir.
Məlumata görə, İstanbul zəngin tarixi, mədəni görməli yerləri və işgüzar səyahət imkanlarına görə Bakı hava limanının ən məhşur istiqamətlərindən biri olaraq qalır. AZAL, Turkish Airlines və AnadoluJet aviaşirkətləri bu istiqamətə gündəlik uçuşlar həyata keçirir. Gürcüstanın paytaxtı Tbilisi mənzərəli məkanları, qonaqpərvərliyi və mədəni irsi ilə göz oxşayır. Georgian Wings və milli aviadaşıyıcı bu heyrətamiz şəhərə gündəlik uçuşlar təklif edir. Sərnişinləri Yaxın Şərqin maraqlı istiqamətləri də cəlb edir. Dubayın dəbdəbəli vahəsindan Əbu-Dabinin mədəni zənginliyinə, Dohanın müasir göydələnlərindən tutmuş Şarjanın füsunkarlığına və Küveytin tarixi irsinə qədər bu istiqamətlərin hər biri unikal təcrübə vəd edir. Bura uçuşlar bir sıra aviaşirkətlər tərəfindən həyata keçirilir: AZAL, FlyDubai, Wizz Air Abu Dhabi, Air Arabia Abu Dhabi, Air Arabia, Qatar Airways, Kuwait Airlines və Jazeera Airlines.
Bundan əlavə, Ankara, Moskva və Sankt-Peterburq da səyyahların üstünlük verdiyi istiqamətlər sırasındadır.
Qeyd edək ki, Bakı aeroportu sərnişinlərin tələb və gözləntilərini təmin etməyə çalışaraq marşrut şəbəkəsini daim genişləndirir və onlara unikal səyahət imkanları təklif edir.
Oxşar xəbərlər
AZAL Novruz tətili üçün 40-dan çox istiqamət üzrə uçuş təklif edir
Novruz bayramının gəlişi ilə milli aviadaşıyıcı - "Azərbaycan Hava Yolları" QSC (AZAL) sərnişinlərinə onlarla marşrut üzrə uçuşlar təqdim edir. BAKU.WS bu bar...