055 213 76 73
Çinin paytaxtı Pekində tədqiqatçılar müəyyən ediblər ki, arıqlamaq bağırsaq mikroflorasını dəyişir, beyinda asılılıqların (o cümlədən qida asılılığının) formalaşmasına cavabdeh olan hissələrin fəaliyyətini azaldır.
BAKU.WS-in məlumatına görə, bu barədə nəticələr "Frontiers in Cellular and Infection Microbiology" jurnalında dərc olunub.
Alimlər izah ediblər ki, sağlam, balanslaşdırılmış bağırsaq mikrobiomu enerji homeostazı və sağlam çəki saxlamaq üçün kritikdir. Bakterial disbalans, əksinə, anormal yemək davranışının inkişafına səbəb ola bilər.
Bu, bağırsaq və beyin arasındakı əlaqə ilə bağlıdır. Mikrobiomdakı dəyişikliklər endokrin, sinir və immun sistemləri cəlb edərək beynin müəyyən sahələrinin fəaliyyətinə təsir göstərə bilər.
Normal yemək davranışına kömək edən mikrobiomda spesifik dəyişiklikləri müəyyən etmək üçün elm adamları kök olan 25 çinli qadın və kişini əhatə edən bir araşdırma aparıblar. Subyektlərin orta yaşı 27 olub. İştirakçılar əvvəlcə 32 gün davam edən ciddi nəzarət edilən az qidalanma ilə həyatlarına davam ediblər.
Qidalanma mütəxəssisinin nəzarəti altında gündəlik kalori qəbulunun adi sayının dörddə birinə qədər azalması ilə xarakterizə olunub. Daha sonra onlar 30 gün yüngül nəzarət edilən az qidalanma üsusulna keçiblər. Bu müddət ərzində qadınlar 500 kalori, kişilər isə 600 kalori istehlak ediblər.
Təcrübənin sonunda alimlər nəcis və qan testlərindən istifadə edərək iştirakçıların bağırsaq mikrobiomunun tərkibini qiymətləndiriblər.