Sabiq deputatın oğlunun banka 117 min borcu var

Sabiq deputat Yevda Abramovun oğlu Elçin Abramov məhkəməyə verilib.
BAKU.WS xəbər verir ki, "qafqazinfo”nun əldə etdiyi məlumata görə, onun banka külli miqdarda kredit borcu var. Belə ki, E.Abramov banka yaranan 117 918 manat borcunu ödəməyib. Buna görə də “Paşa Bank” Bakı Kommersiya Məhkəməsində iddia qaldırıb. İşə hakim Zaur Pirverdiyevin sədrliyi ilə baxılır.
Cavabdeh qismində Yevda Abramovun oğlu və onun rəhbərlik etdiyi “Agro Trade Com" şirkəti tanınıb. Şirkət plastik masa, plastik oturacaq, zibil konteynerləri (zibil yeşikləri), plastik yeşiklər və s. məhsulların istehsalı ilə məşğuldur.
Qeyd edək ki, Y.Abramov 14 il Milli Məclisdə deputat olub. 53 saylı Quba-Qusar dairəsi üzrə 2005-2019-cu illərdə parlamentə seçilib. 2019-cu ildə vəfat edib.
Oxşar xəbərlər
Prezident İlham Əliyev əfv sərəncamı imzalayıb - SİYAHI
Prezident İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb. BAKU.WS xəbər verir ki, sərəncam məhkum olunmuş bir sıra şə...
