Türkiyəli məşhur iş adamı 29 illik həyat yoldaşından boşandı

İş adamı Ali Sabancı 29 illik həyat yoldaşından ayrılıb.

BAKU.WS xəbər verir ki, o ömür gün yoldaşı Vuslat Doğan Sabancı ilə olan evliliyinə son qoyub.

Cütlük ayrılan zaman bir-birindən heç bir təzminat tələb etməyib.

Bu barədə sosial şəbəkədə paylaşım edən Vuslat Doğan Sabancı "Biz ayrıldıq... 29 illik evliliyimizi bitirdik. Çox çətinliklərə dözdük. Çox gözəl xatirələrimiz oldu. Ən əsası, iki mehriban, ağıllı, mehriban övlad böyütdük. Son illərdə isə münasibətlərimizdə çətinliklər yaşamağa başladıq. Sanki birimiz qışda, birimiz yayda idik... Nə qədər çalışsaq da, eyni fəsildə bir-birimizi tapa bilmədik.

Çətin anlarda bizi sevgi ilə əhatə edən, dualar edən və ürəkdən dəstək olan hər kəsə sonsuz minnətdarlığımızı bildiririk. Bir-birimizi günahlandırmırıq. Bir-birimizdən heç bir maliyyə tələbi olmadan ayrılırıq. Lakin ömürlük dostuq" - deyə bildirib.

Qeyd edək ki, Vuslat Doğan Sabancı ilə Ali Sabancının Şevket Emrecan Sabancı və Kaan Ali Sabancı adlı iki övladı var.