Serebral iflicdən əziyyət çəkən aktyor 34 yaşında vəfat etdi

"Breaking Bad" serialının aktyoru Ar Cey Mitt vəfat edib.

BAKU.WS "BBC"yə istinadən xəbər verir ki, bu barədə onun meneceri Şon Reyli məlumat yayıb.

"Dərin kədərlə sevimli aktyor, xeyriyyəçi və əlilliyin hüquqları müdafiəçisi Ar Cey Mittin vəfat etdiyini bildiririk", - deyə meneceri qeyd edib.

Aktyor Texas ştatının Braunsvill şəhərində vəfat edib. Onun ölüm səbəbi barədə məlumat verilməyib.

Serebral iflicdən əziyyət çəkən Mitt, "Breaking Bad"dəki rolunu yaratmaq üçün öz həyat təcrübələrindən istifadə edib.

Onun həmkarı, aktyor Brayan Kranston sosial mediada bildirib ki, Ar Cey Mitt serebral ifliclə doğulsa da, heç vaxt diaqnozunun bəhanə kimi istifadə edilməsinə yol verməyib.

O, həmişə gərgin qrafikli iş rejiminin qaydalarına əməl edib.

Qalereya