Röya Ayxandan Nərminə dəstək: "Sən ailə nədir, onu xatırlatdın..."

Xalq artisti Röya Ayxan müğənni Nərmin Kərimbəyovaya dəstək olub.

BAKU.WS xəbər verir ki, sənətçi həmkarının sosial şəbəkədə tənqid hədəfinə çevirilən fotosessiyası barədə fikir bildirib.

"Mənim gözəlim, burda yazılan axmaq rəylərə, ümumiyyətlə, heç kimə, heç nəyə fikir vermə, xahiş edirəm. Çünki sən donor olmasa idin, qınayacaqdılar. Olanda da nümayiş etdi, deyillər. Sən doğru etdin, sən ailə nədir onu xatırlatdın"- sözlərini yazaraq Röya Nərminə dəstəyini ifadə edib.

Məlumat üçün bildirək ki, Nərmin Kərimbəyova fotolarda bir neçə il öncə, keçirdiyi əməliyyatdan qalan çapıq izlərini nümayiş etdirib.

O şəkillərinə "40 yaşımda özümə deyəcəyim budur. Özünə qarşı mərhəmətli ol. Sənin bir canın, bir ruhun, bir bədənin var" şərhini əlavə edib.

Nərmin 2022-ci ilin mayında qardaşına donor olaraq, ona qaraciyərinin 70%-ni verib.