Nəsrin Cavazadənin yeni serialından rekord: 24 saatda 5 milyon dəfə izlənildi

Aktrisa Nəsrin Cavazadənin baş rolunda çəkildiyi "Daha 17" serialı rekorda imza atıb.

BAKU.WS xəbər verir ki, ekran işinin ilk bölümü YouTube platformasında 24 saat ərzində 5 milyona yaxın izlənilib.

Serialın mərkəzində uşaq evində böyümüş 17 yaşlı Arasın həyatı dayanır.

Ekran işi yalnız televiziya ekranlarında deyil, rəqəmsal platformalarda da böyük maraq doğurub.

Bodrumda çəkilən seriala izləyicilər tərəfindən "İlk bölümdən maraq oyatdı", "Bodrumun atmosferi və hekayə xətti möhtəşəmdir", "Yeni mövsümün ən uğurlu layihələrindən biri olacaq" kimi şərhlər gəlib.

Serialın rejissoru Emre Kabakuşakdır. Layihədə Armağan Oğuz, Ceren Ayruk, Ata Yaşat və digər tanınmış simalar da rol alırlar.

Layihənin prodüserləri Yaşar İrvül və Efe İrvüldir.

Qalereya