Nadir Qafarzadə: "Gənclərin oxuduğu mahnıları anlamıram"

"Deyirlər ki, filan mahnını oxuyursan, onda çörək yoxdur. Cavab verirəm ki, o mənə mənəvi qida verirsə, artıq çörəkdir. Mütləqdir ki, mədəmi doldurum?"

BAKU.WS "axşam.az"a istinadən xəbər verir ki, bu sözləri müğənni Nadir Qafarzadə "İncə səhər" verilişndə deyib. O, yeni çıxan ifalarının qısa zamanda unudulacağını açıqlayıb:

"Mədə niyyətini güdməyək, mədəniyyəti də düşünək. Beynimizi yaxşı mahnılarla yükləyək. Bu mahnıları məclislərdə oxuyuram, gənclər də mənimlə birlikdə ifa edirlər. Onda deyirəm ki, bu mahnılar hələ ölməyib, yaşayır.

Bugünkü mahnılar 10 ildən sonra heç kimin yadında qalmayacaq. Nəinki 10 il, heç 1 ildən sonra. İnsanlar yenə qayıdır peşəkarların mahnılarına. Bu gün gənclərin oxuduğu mahnılara qulaq asıram, anlamıram. Bu gün müğənnilər var, amma ifaları yadda qalmayacaq".