Nadir Qafarzadə: “Açıq-saçıq geyinən yoxdur” - VİDEO

Müğənni Nadir Qafarzadə sosial şəbəkə hesabında yeni paylaşım edib.

BAKU.WS xəbər verir ki, hazırda Rusiyanın Sankt-Peterburq şəhərində olan sənətçi video çəkərək “Instagram” hesabında yayımlayıb. Nadir lentə aldığı görüntülərdə Peterburq sakinlərinin ünvanına xeyli tərif yağdırıb:

“Mən harada mədəniyyət, tərbiyə, qayda-qanun görürəmsə, istəyirəm ki, çəkib göstərim. Əsl Avropa dediyimiz, bəlkə də, Sankt-Peterburqdan başlayır.

Çox mədəni insanlar - sakit, stressiz, əsəbsiz... Nə soruşursan, cavab verirlər. Deyirlər, azərbaycanlıları Rusiyada sevmirlər, vallah, bunu görmədim.

Kim özünü yaxşı aparırsa, qanuna riayət edirsə, burada ayrı-seçkilik salmırlar. İnsanların heç kimlə işi yoxdur. Hər kəs yolu ədəb-ərkanlı gedir, açıq-saçıq geyinən yoxdur, eşitdiyimə görə, isti olanda da geyinmirlər.

Heç kimə nəyisə sübut etmək istəmirlər. Sadə geyinirlər. Öz pullarını, mallarını, geyimlərini nümayiş elətdirmirlər.

Mən belə xoşlayıram. Sevdim səni, Piter".