Mətanət: "Dedi ki, atam anamla dalaşıb evdən gedib, ac qalmışıq" - VİDEO

Əməkdar artist Mətanət İsgəndərli yardım aksiyasına qoşulub.

BAKU.WS xəbər verir ki, ATV-də yayımlanan “Bizimləsən” proqramına canlı qoşulan sənətçi 15 ailəyə yardım etmək istədiyini bildirib:

"15 ailə üçün nəzərdə tutulan yardımı sizin proqrama göndərəcəm, özünüz kasıblara paylayarsınız. 30 ildir, sənətdəyəm, hər zaman son tikəmi insanlarla bölüşmüşəm. Etdiyim əməlləri nümayiş etdirməmişəm. Var-dövlət yığmaq fikrim yoxdur. Zəhmətkeş insanam, tək insan uzağı 50 ailəyə yardım edə bilər.

Ötən gün Gəncəyə poçtla pul göndərdim, orada kasıb ailələrə yardım etdilər. Dünən 10 yaşlı uşaq mənə zəng vurub dedi ki, acıq, atam anamla dalaşıb evdən gedib, 4 uşaq ac qalmışıq. Dəhşətdir".