Manaf Ağayev: “Bambılı necə kostyum geyinə bilər?” - VİDEO

ARB TV-nin “Show News” verilişinin növbəti qonağı müğənni Manaf Ağayev olub.

Sənətçi geyiminə fikir verməyən həmkarları haqqında sərt danışıb:

“Kimsə bambılıdırsa, o, necə kostyum geyinə bilər, qalstuk taxa bilər? Hər oxumağın öz geyimi var. Maşında gündəlik geyinirəm, amma səhnədə həmişə klassik kostyum geyinirəm.

Sevirəm, çünki şəxsiyyətli görünürsən, həm də xasiyyətə uyğun geyinirəm. Geyimə çox önəm verən adamam. Heç kim də məni geyindirmir, özümün gözü, ağlı var.

Bütün günü qara kostyum, ağ köynək geyinmək də düzgün deyil. O zaman elə bilirlər ki, bir dənə kostyumun var. Müğənniyik, fərqli olmalıyıq”.