“Hicabdan qabaq şou proqramlardan hər gün 500 manat qazanırdım” - Xuraman Şuşalı - VİDEO

ARB TV-nin “Hüseynova bacıları” verilişinin növbəti qonağı müğənni Xuraman Şuşalı olub.

Müğənni hicaba gəlməyi ilə bağlı maraqlı açıqlama verib:

“2013-cü il fevralın 16-sı hicaba gəlmişəm. Şou proqramlardan hər günüm 500 manat idi. Məni tanıyanların hamısı bilir ki, 7 günün 7-də də işim olub. O gəlirə, qazanca "yox" deməyi hər adam edə bilməzdi. Hansı aləmdən özümü necə çərçivəyə saldım və 3 il oxumadım”.

Müğənni daha sonra açıqlamasında həyatının kədərli olduğunu deyib:

“Mənim həyatım o qədər kədərlidir ki... Şükürlər olsun, 4 övladım var. Bu həyatdakı yeganə qazancım 4 övladımdır. Çox çətinliklə ailəmi qoruyub saxlamışam. Ailəmdə bir dənə səhvim olsaydı, onu bayraq edib dünyaya car çəkərdilər. Daşı ağır olan adamam. Bilmirəm, mənim nəyimə paxıllıq edirlər, başa düşmürəm”.