Hadisə ideal kişi obrazını təsvir etdi

Türkiyəli müğənni Hadisə ideal kişi obrazı haqqında açıqlama verib.

BAKU.WS Türkiyə mətbuatına istinadən xəbər verir ki, o, ideal kişinin bir neçə xüsusiyyətinə toxunaraq bunları qeyd edib:

"İdeal kişi hər mənada sadiq olmalıdır. Məsələn, yemək masasında bir qadına narahat edəcək şəkildə baxmamalıdır. Bir qadını bəyənmək ayrı şeydir, amma bu, tərəf müqabilini narahat etməməlidir. O, dəstəkləyici, səbrli və gülməli biri olmalıdır. Mənim münasibət yaşadığım şəxsin gülməli olması, həm də mənim ilham mənbəyi olduğum anlamına gəlir. Bu, məni motivasiya edir və mənə enerji verir. O, həmçinin öz öhdəliklərinin fərqində olmalıdır."