Flora Kərimovadan qazilərə jest: hərəsinə 750 AZN hədiyyə etdi

Azərbaycanın Xalq artisti, “Şərəf” ordenli Flora Kərimova ona təyin olunan Prezidentin fərdi təqaüdünün ilk ayını Vətən Müharibəsi qazilərinə hədiyyə edib.

Bu haqda sənətçi BAKU.WS-ə açıqlamasında bildirib. O, təqaüdünü iki qazimiz arasında böldüyünü deyib:

“Əslində bu haqda danışmaq istəməzdim. Çünki belə bir addım atmaq hər birimizin borcudur. Mən bunu özümə borc bildim və etdim. Təqaüdümün ilk 1500 AZN-ni iki qazimizə hədiyyə etdim. Bunlar qazilərimiz Amin Musayev və Rəvan Əzizovdur”.