Azərbaycanlı alim Nobel mükafatına namizəddir

Azərbaycanlı gənc alim Nobel mükafatı almağa namizəddir. 

BAKU.WS-in məlumatına görə, İsveç Kral Akademiyası Rəyasət Heyətinin 14/3-12/ 2016 tarixli qərarı ilə Azərbaycan Respublikasının Elm üzrə "Prezident mükafatçısı”, İsveç Kral Akademiyasının, Yaponiya Elm cəmiyyətinin və Frankfurt – Höte (Almaniya) Universitetinin fəxri üzvü, Gəncədən olan gənc alim Elnur Həsənovun namizədliyi Nobel mükafatı Komitəsinə irəli sürülüb.

Qeyd edək ki, Azərbaycan Milli Elmlər Akademiyasının (AMEA) Gəncə Bölməsinin antropologiya, etnoqrafiya və etnologiya elmləri üzrə doktorantı, İsveç Kral Akademiyasının müxbir üzvü, Yaponiya, ABŞ, İsveç, Sinqapur, Almaniya, Fransa, İtaliya,Meksika və s. ölkələrdə çap edilmiş çoxsaylı elmi əsərlərinin müəllifi Elnur Həsənov qazandığı nailiyyətlərə görə AMEA-nın Fəxri mükafatına layiq görülüb. BAKU.WS