Azər Baxşəliyevin həyat yoldaşından duyğusal paylaşım

Mərhum aktyor Azər Baxşəliyevin xanımı Nigar Baxşəliyeva həyat yoldaşı ilə bağlı təsirli paylaşım edib.

BAKU.WS xəbər verir ki, Nigar Baxşəliyeva "Instagram" hesabında həyat yoldaşı ilə birgə çəkilmiş fotosunu paylaşaraq hisslərini ifadə edib:

"Necə qucaqlayaram, indicə yanımda olsa, olsa... Gözümü bağlasalar, onu mən taparam, harada olsa... Gedəcəyəm yanına, könlümüz açılsın deyə. İndi küçədəyəm, gedəcəyəm. Deyəcəyəm ona mən şirin sözlər, üzü gülsün deyə. Yanağından tutub öpəcəyəm."

Qeyd edək ki, Azər Baxşəliyev uzun müddət poliorqan çatışmazlığından əziyyət çəkirdi. Həkimlərin bütün səylərinə baxmayaraq, onun vəziyyətində geridönməz proseslər baş verib və aktyor yanvarın 2-də dünyasını dəyişib.

Azər Baxşəliyev dərin mənalı rolları ilə tamaşaçıların yaddaşında qalıb və onun xatirəsi daim anılacaq.