Müğənni Natavan Həbibi əməkdar artist Röya Ayxanın "V element" verilişində "Qızlar mənə həmişə lağ edirdilər, deyirdilər, çuşkasan" deməyinə münasibət bildirib. 

BAKU.WS məlumat verir ki, "5/5" verilişinin qonağı olan müğənni aparıcı Zaur Kamalın "O vaxtı kimə çuşka deyirdiniz?" sualına belə cavab verib: 

"Elə indi də ona elə deyirik. Əslində məntiqi başa düşmədim. Demişiksə də, əcəb etmişik. Bizim aramızda o qədər zarafatlarımız olub ki, hamısını açıqlasaq... Həmişə hamı yüksəkdə olsun. Biz bir-birimiz üçün ulduz ola bilmərik, bir yerdə böyüyən uşaqlarıq. Hamımız bir-brizmizə çox şeylər deyirdik. Ona isə lap çox söz deyirdik. İndi bir-birimizi görmürük, hərənin öz işi, öz ətrafı var" deyərək gülüb.
 
Qeyd edək ki, Röya Ayxan ATV kanalında yayımlanan "V element" verilişində "W-trio" qrupunun vaxtındakı çətinliklərindən danışarkən bunları deyib:
 
"Qızlar həmişə mənə lağ edirdilər. İngilis dilini bilmirdim deyə, deyirdilər, "çuşkasan". Toyxanalarda oxuyacaqsan. Qadınlar ibarət ansamblın olacaq. Çünki onlar məndə ancaq bunu hiss edirdilər. Bunun da səbəbi o idi ki, mən həmişə evə pul aparmağa çalışırdım. İndi inciməsinlər, hər şey əksinə oldu" deyib. 
 
BAKU.WS