İngiltərədə iki sərnişin qatarı toqquşub, xəsarət alanlar var

İngiltərənin Bedford şəhəri yaxınlığında iki sərnişin qatarının toqquşması nəticəsində bir neçə nəfər xəsarət alıb.

BAKU.WS xəbər verir ki, hadisə London istiqamətində hərəkət edən qatarlardan birinin digərinə arxadan çırpılması nəticəsində baş verib.

BREAKING: First video from the scene after two high-speed trains collided near Bedford, England. pic.twitter.com/PywVMNGgL4

— Scope Report (@ScopeReport_) June 19, 2026

Qatarlardan biri Nottingem, digəri isə Korbi şəhərindən yola çıxıb.

Britaniya Nəqliyyat Polisi qəzanın baş verdiyini təsdiqləyib. Bildirilib ki, insident Bedford dəmiryol stansiyasından təxminən 4 kilometr cənubda qeydə alınıb.

Hadisənin səbəblərinin müəyyənləşdirilməsi istiqamətində araşdırma aparılır. Xəsarət alanların sayı və vəziyyəti ilə bağlı hələlik ətraflı məlumat açıqlanmayıb.