13,99%-dən ZAMİNSİZ, KOMİSSİYASIZ NAĞD KREDİT



Mərhum repçi Hüseyn Dəryanın oğlu Cahangir atasının qəbrini ziyarət edib.

BAKU.WS xəbər verir ki, Cahangir fotonu "İnstagram” bloqunda "Ürəyim atam, sənin üçün darıxıram”- qeydi ilə yazıb.

Xatırladaq ki, Hüseyn Dərya 2014-cü il martın 14-də axşam saat 23:00 radələrində Bakının Xəzər rayonu ərazisində avtomobil qəzasına uğramışdı. Repçinin idarə etdiyi 10 SB 575 dövlət nömrə nişanlı "Opel Astra” markalı minik avtomobili onunla eyni istiqamətdə hərəkət edən "KamAZ” markalı maşına çırpılmışdı. Nəticədə ağır bədən xəsarəti alaraq 3 saylı şəhər Klinik Xəstəxanasının reanimasiya şöbəsinə yerləşdirilən H.Dərya martın 15-də saat 13:00 radələrində vəfat etmişdi.

Qeyd edək ki, Hüseyn Dərya 1975-ci il iyunun 29-da Bakının Bakıxanov qəsəbəsində doğulub. Nərimanov rayonunda yerləşən 4 saylı fars təmayüllü məktəbdə oxuyub. Könüllü olaraq öz təhsilindən imtina edib, əsgəri xidmətə yollanıb, Qarabağ müharibəsində iştirak edib. Dörd il iki ay hərbi xidmətdə olub.
O, ilk dəfə meyxana ilə muğamı sintez edib. O, MDB ölkələri arasında keçirilən rep müsabiqəsinin qalibi olub.
2004-cü ildə "İlin ən yaxşı repçisi”, "İlin ifaçısı” və "İlin albomu” nominasiyalarına layiq görülüb. İlk dəfə Üzüyir Hacıbəyli diplomunu alıb. "Yaşa, Azərbaycan” adlı mükafata layiq görülüb.
 
H.Dəryanın birinci nikahından Ayşə adlı bir qızı, ikinci nikahından isə Cahangir adlı oğlu var.

Aysel.Ş
BAKU.WS