ROLLS-ROYCE Bespoke çıraqbanlı panel təqdim edir

Bespoke dizaynerlərinin, mühəndislərinin və ustalarının kollektivi Rolls-Royce müştərilərinin fikirlərini, zövqlərini və ideyalarını həyata keçirməyə imkan verəcək yenilikçi və zərif həllər yaratmaq üçün yorulmadan çalışırlar.

Bu gün mütəxəssislər qrupu çıraqban ilə ön paneli təqdim edir – Bespoke innovasiyası Yeni Ghost üçün eksklüziv olaraq yaradılıb, dünya premyerası 1 sentyabr tarixində saat 16:00-da rolls-roycemotorcars.com saytında keçiriləcəkdir.

Yeniliyin hazırlanması üçün iki il və 10000 saatlıq iş tələb olundu. Alətlər panelinin sərnişin tərəfində 850 ulduzu ilə əhatə olunmuş "Ghost" yazısı işıqlanır. Ulduz toplaşması və modelin işarəsi söndürülmüş vəziyyətdə tamamilə görünməzdir. Bespoke’ın bu innovasiyası "Rolls-Royce" - nin tanınan simvollarından birinə çevrilmiş "Ulduz səması" ilə "Ekstaz Ruhu"ilə yanaşı, "Panteon" radiatorunun barmaqlıqları və "İkili R" monoqramı ilə gözəl əks-səda verir.

Bu unikal element markanın təmkinli dəbdəbənin erasının dəyərlərini təcəssüm etdirən minimalist dizayna doğru inkişafını əks etdirir. Marka bu konsepsiyaya Ghost sahiblərinin rəylərini toplayaraq və təhlil edərək gəldi. Marka incə həllərin lehinə həddindən artıq və səthi bəzəklərdən imtina etdi. Bununla əlaqədar olaraq, Bespoke kollektivi istənilən effektə nail olmaq üçün sadə mövcüd ekran texnologiyalarından istifadə etməməyi üstün tutdu. Bunun əvəzinə, onlar lüks dünyada əsl yeniliklərin yaradılmasına başladılar.

Çıraqbanı ön panel səthinin altında quraşdırılmış 152 LED təmin edir. İşığın çaları saatın və cihazların işıqlandırmasına uyğun olaraq diqqətlə seçilib. "Ghost" yazısının bərabər işıqlandırılmasını təmin etmək üçün səthdə 90,000-dən çox nöqtə olan iki millimetr qalınlığında işıq dirəyi istifadə edilmişdir. Bu həll yalnız işığın bərabər şəkildə yayılmasına deyil, həm də "ulduz səmasının"parıltısı ilə əks-səda verən yüngül parıltı effekti yaradır.

Bespoke-ın aparıcı dizayneri Maykl Brayden (Michael Bryden) qeyd edib: "İşıqlandırılmış ön panel Yeni Ghost-da tutduğumuz "Post-bolluq" dizayn istiqaməti ilə mükəmməl uyğun gəlir. Eleqant və minimalist estetik Rolls-Royce-in təmkinli təcəssümü olan müştərilərin xüsusi kateqoriyasına aiddir. Avtomobilin dizaynı, "hidden-until-lit" ("söndürülərkən görünməz") texnologiyası ilə yerinə yetirilmiş bu unikal həll, rahat dəbdəbə atmosferi verən sadə dekorativ element yaratmaq üçün tələb olunan inanılmaz mürəkkəbliyi özündə birləşdirir".