XİN başçısı: "Azərbaycanın Los-Ancelesdəki baş konsulluğunun fəaliyyəti ilk fürsətdə bərpa olunacaq"

"ABŞ-nin Kaliforniya ştatında baş verən yanğına görə Azərbaycanın Los-Ancelesdəki baş konsulluğu fəaliyyət göstərdiyi binadan köçüb".

BAKU.WS Oxu.az-a istinadən xəbər verir ki, bunu jurnalistlərə açıqlamasında xarici işlər naziri Ceyhun Bayramov deyib.

O bildirib ki, baş konsulluğun fəaliyyəti ilk fürsətdə bərpa olunacaq:

"Buna baxmayaraq, diplomatik fəaliyyətimiz dayandırılmayıb, işlər davam edir".

Xatırladaq ki, Kaliforniyada yanvarın 7-dən başlayan yanğınlar səbəbindən Azərbaycanın Los-Ancelesdəki baş konsulluğunun yerləşdiyi bina müvəqqəti olaraq evakuasiya edilib.