Voronej qubernatoru əhaliyə səsləndi: Anlayış göstərin

Voronej vilayətinin qubernatoru Aleksandr Qusev öz teleqram kanalında vətəndaşları M-4 Don şosesi boyunca, regional və yerli yollar da daxil olmaqla, səyahətdən çəkinməyə çağırıb.

“Lazım gələrsə, tətbiq edəcəyimiz əlavə məhdudiyyətlərə - kütləvi tədbirlərin keçirilməsinə qoyulacaq qadağa, avtomobillərin yoxlanılıb buraxılması və digər tədbirlərə anlayışla yanaşın”, - deyə rayon rəhbəri vurğulayıb.

A.Qusev əlavə edib ki, hüquq-mühafizə orqanları ilə mütəmadi olaraq operativ müşavirələr keçirir, əhalinin təhlükəsizliyinin təmin edilməsi üçün lazımi tədbirlər görülür.

Qubernator həmçinin yalnız rəsmi mənbələrdən təsdiqlənmiş məlumatlara etibar etməyə çağırıb.