Türkiyənin ilk astronavtının qumdan heykəli hazırlanacaq

Türkiyənin ilk astronavtı Alper Gezeravcının qumdan heykəli də hazırlanaraq sərgilənəcək.

BAKU.WS bu barədə Türkiyə meidasına istinadən xəbər verir.

Qeyd edilir ki, Gezeravcının qumdan heykəli Antalyada "Kosmos macərası" mövzusu ilə mövsümü açan Antalya Qum Heykəl Festivalında yaxın günlərdə hazırlanacaq.

Bildirilib ki, onun heykəli astronavt kostyumu geyinmiş formada olacaq.

Xatırladaq ki, 19 yanvar Türkiyə vaxtı ilə 00:49-da Alper Gezeravcının da olduğu "Dragon" kapsulu "SpaceX"ə aid "Falcon 9" daşıyıcı raketi vasitəsi ilə NASA-nın Floridadakı Kennedi Kosmik Mərkəzindən BKS-ə göndərilib. Ax-3 komandası BKS-də 14 gün vaxt keçirib.