Türkiyəli Nazir: “Axtarış-xilasetmə işləri bitmədən saqqalımı kəsmək içimdən gəlmədi” - FOTO

“Dağıntılar altında qalanların axtarış-xilasetmə işləri hələ yekunlaşmayıb. Bu səbəblə saqqalımı kəsmək istəmədim”.

BAKU.WS Türkiyə KİV-ə istinadən xəbər verir ki, bu sözləri Türkiyənin səhiyyə naziri Fahrettin Koca deyib.

Zəlzələ bölgələrinə səfəri zamanı ağ saqqalı ilə diqqət çəkən nazir açıqlamasına bunları da əlavə edib:

“Anadoluda cənazə sahibi saqqalını dəfndən sonra kəsər. Doğrusu mənim də axtarış-xilasetmə işləri bitmədən saqqalımı kəsmək içimdən gəlmədi”.

Koca təkcə Hatayda 51 200 yaralının zəlzələ bölgəsindən kənardakı xəstəxanalara göndərildiyini bildirib.

Xatırladaq ki, fevralın 6-da Türkiyədə baş verən və “Əsrin fəlakəti” adlandırılan güclü zəlzələ zamanı 43 556 sakin həyatını itirib, 108 068 nəfər isə yaralanıb.

Qalereya